USD87.45EUR96.10RUB1.06
24.kg

Султан Раев Мехмет Доган атындагы адабий сыйлыктын лауреаты болду

16:48, 14 января 2025, Бишкек - 24.kg

Кыргыз эл жазуучусу, ТҮРКСОЙдун башкы катчысы Султан Раев 2024-жылы Мехмет Доган атындагы Түрк дүйнөсү адабият сыйлыгынын лауреаты болду. Бул тууралуу Түркия Жазуучулар союзу билдирди.

Султан Раев Мехмет Доган атындагы адабий сыйлыктын лауреаты болду

Сыйлык жыл сайын жазуучуларга, интеллигенция өкүлдөрүнө жана искусство ишмерлерине берилет. Сыйлык түрк дүйнөсүнүн ар кайсы өлкөлөрүнөн жазуучулар чогулган аянтча болуп саналат.

Бирикменин жетекчиси Муса Казим Арыжан Султан Раевдин эмгектери түрк элдерин байланыштырган көпүрө экенин белгиледи. Бул абройлуу сыйлыктын лауреаттарынын арасында Түркиянын белгилүү маданият жана искусство ишмерлери, жазуучулары, кинорежиссерлору, философтору, сүрөтчүлөрү бар. Султан Раев бул сыйлыкка ээ болгон биринчи чет элдик жазуучу болуп калды.

«Күн Кармаган бала» , «Чаң жол», «Топон» жана башка китептердин автору. Султан Раевдин чыгармалары боюнча коюлган спектаклдер Кыргызстанда гана эмес, чет өлкөлөрдө да көрүүчүлөргө чоң ийгилик жаратты. Чыгармалары орус, украин, өзбек, казак, фарси, түрк, кытай жана англис тилдерине которулган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18