USD87.45EUR96.10RUB1.06
24.kg

Манас районундагы жайлоо 49 жылга жеке менчикке мыйзамсыз берилген

11:06, 13 января 2025, Бишкек - 24.kg

Талас облусунун Манас районунда мыйзамсыз жер бөлүп берүү фактысы аныкталды. Бул тууралуу Башкы прокуратуранын басма сөз кызматы билдирди.

Маалыматка ылайык, Үч-Коргон айыл өкмөтүнүн жооптуу кызматкерлери тарабынан 0,67 гектар жайыт жерин жеке жактарга 49 жылга убактылуу пайдаланууга берүү боюнча токтомду бурмалаганы аныкталган.

Жогорудагы мыйзамсыз токтомдун негизинде Мамлекеттик жер ресурстары агенттигинин Манас филиалы тарабынан жер тилкесин убактылуу пайдалануу укугуна мыйзамсыз күбөлүк берилген.

Аталган фактынын негизинде райондук прокуратура тарабынан КР Кылмыш-жаза кодексинин 337-беренеси «Кызматтык абалынан кыянаттык менен пайдалануу» боюнча кылмыш иши козголуп, тергөө үчүн ИИМге өткөрүлүп берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18