USD87.45EUR96.10RUB1.06
24.kg

Бишкекте туура эмес токтотулган унаалар алынууда

17:42, 08 января 2025, Бишкек - 24.kg

Бишкекте жол инспекторлору унааларды туура эмес токтоткону үчүн алуу иштерин улантууда. Бул тууралуу 24.kg басылмасына ИИМдин Жол кыймылынын коопсуздугун камсыздоо башкы башкармалыгынын басма сөз кызматынын жетекчиси Айтикул уулу билдирди.

ИИМдин Жол кыймылынын коопсуздугун камсыздоо башкы башкармалыгынан маалымдашкандай, жол инспекторлору «Айчүрөк», «Чынар», «Бишкек Парк» өңдүү соода борборлорунун алдында жана көчөлөрдүн жээктеринде туура эмес жерлерге токтотулган унаалардан тазалап, тийиштүү айып пулдарды салууда.

Акыркы бир жуманын ичинде Бишкек шаарынын аймагында туура эмес жерлерге токтотулган 4025 унаага 1000 сомдон айып салынып, ээси жок унаалар айып короо жайына токтотулду.

Башкармалык айдоочуларды унааларын туура эмес жерлерге токтотпоо керектигин эскертүүдө. Ошондой эле туура эмес жерлерге токтотулган унааларды көргөндөр 0777 102 102 ишеним номерине маалымат жөнөтсө болорун, аларга карата тийиштүү чара көрүлөрүн эскертти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18