USD87.45EUR96.10RUB1.06
24.kg

Мамытбай Салымбеков «Бай-Түшүм» банкынын жарым акциясынын ээси болду

18:47, 27 декабря 2024, Бишкек - 24.kg

Аскар Салымбековдун бир тууганы Мамытбай Салымбеков «Бай-Түшүм» банкынын жарым акциясынын ээси болуп калды. Бул тууралуу Кыргыз фондулук биржасынын сайтында жарыяланган маалыматтан белгилүү болду.

Маалыматка ылайык, «Бай-Түшүм Банкы» ААКнын акционерлеринин реестрине өзгөртүүлөр киргизилген. Мамытбай Салымбеков банктын 50,75 пайыз жөнөкөй акцияларынын ээси болуп калды.

Эске сала кетсек, 2023-жылдын март айында «Бай-Түшүм» банкынын акцияларын Мамытбай Салымбековдун уулу Жумабек Салымбеков сатып алган. 2023-жылдын октябрында ал банктын директорлор кеңешинин башчысы болгон.

2024-жылдын 3-июлунда парламенттик шайлоого катышкандыгына байланыштуу кызматынан кеткен. Кийин 7-июлда Борбордук шайлоо комиссиясы аны депутаттыкка каттаган.

Буга байланыштуу Жумабек Салымбеков ишенимдүү башкаруу келишимин түзүп, андан соң «Бай-Түшүм» банкындагы акцияларын «Заман» жабык акционердик коомуна өткөрүп берген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18