USD87.45EUR96.10RUB1.06
24.kg

Актауда учак кырсыгы. Учакта кыргызстандыктар болгон

14:37, 25 декабря 2024, Бишкек - 24.kg

Казакстандын Актау шаарында кырсыкка учураган учакта кыргызстандыктар да болгон. Бул тууралуу Tengrinews сайты жазып чыкты.

«Биздин маалымат боюнча, учакта Азербайжандын 37, Орусиянын 16, Казакстандын 6 жана Кыргызстандын 3 жараны болгон. «Алдын ала маалыматтар боюнча, 25 жүргүнчү аман калган, алардын абалы оор», — деп айтылат материалда.

Эске сала кетсек, бүгүн, 25-декабрда Казакстандын Актау шаарына жакын жерде жүргүнчү ташыган учак кулап түшкөн. Алдын ала маалыматтарга караганда, учак Бакудан Грозныйга бара жаткан. Кырсык болгон жерде куткаруучулар иштеп жатат. Учакта 67 жүргүнчү жана 5 экипаж мүчөсү болгон.

Тышкы иштер министрлигинин басма сөз кызматы 24.kg басылмасына учурда учактын бортунда болушу мүмкүн болгон Кыргызстандын жарандары тууралуу маалыматты тактап жатканын билдирди. Кийинчерээк толук маалымат берүүнү убадалашты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18