USD87.45EUR96.10RUB1.06
24.kg

Кыргызстан Кытайга электр энергиясын экспорттоого даярданып жатат

17:30, 23 декабря 2024, Бишкек - 24.kg

«Тамга-Каракол» жана «Кемин-Торугарт» долбоорлорунун алкагында Кытайга электр энергиясын экспорттоо үчүн жаңы кубаттуу көмөк чордондорду курууга даярдык иштери жүрүп жатат. Бул тууралуу президент Садыр Жапаров өлкөнүн энергетика тармагынын 90 жылдыгына арналган салтанаттуу иш-чарада билдирди.

Мындан тышкары, ал республика боюнча күн жана шамалдан алынуучу жаңы электр станцияларынын курулушу башталып жатканын кошумчалады. Инвесторлор үчүн жагымдуу инвестициялык шарттар түзүлдү.

Мамлекет башчысы ошондой эле CASA-1000 долбоорунун алкагында Ооганстан менен Пакистанга электр энергиясын экспорттоо үчүн көмөкчордондордун жана линиялардын курулушу аяктаганын белгиледи.

Эске сала кетсек, 2023-жылы Кытайга электр энергиясын экспорттоо жана 500 киловольттук «Кыргызстан — Кытай» электр линиясын куруу боюнча ниет меморандумдарына кол коюлган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18