USD87.45EUR96.10RUB1.06
24.kg

Муфтият 20 имамга жаңы кызматтык унааларды тапшырды

09:44, 19 декабря 2024, Бишкек - 24.kg

Кыргызстан мусулмандарынын дин башкармалыгы аймактардагы 20 имам хатибге жаңы кызматтык унааларды тапшырды. Бул тууралуу дин башкармалыгы билдирди.

Азирети муфтий Абдулазиз Закиров жергиликтүү дин кызматкерлеринин иштөө шарттарын жакшыртуу максатында транспорт жаңыланганын белгиледи.

Белгиленгендей, дин кызматкерлерине Кыргызстандын тарыхында биринчи жолу кызматтык автоунаа берилүүдө.

Мындай саамалык диний кызматкерлердин ишин жеңилдетүү, алардын убактыларын үнөмдөп, кызмат көрсөтүү сапатын жакшыртуу максатын көздөйт. Авто унаалар имамдарга райондор арасында жүрүү үчүн зарыл шарттарды түзүп, диний иштердин ийгиликтүү жүргүзүлүшүнө өз салымын кошот.

"Кызматтык унаалардын тапшырылышы — Кыргызстан мусулмандарынын Дин башкармалыгынын 2024-жылга карата иш пландарынын алкагында ишке ашкан олуттуу кадамдардын бири. Дин башкармалыгы алдыда дагы ушул сыяктуу долбоорлор аркылуу диний кызмат көрсөтүүлөрдү жакшыртууну уланта бермекчи",-деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18