USD87.45EUR96.10RUB1.06
24.kg

KFU Football Awards — мыкты футболчуларды сыйлоо аземи өтөт

09:15, 10 декабря 2024, Бишкек - 24.kg

Бүгүн, 10-декабрда Кыргыз футбол биримдиги футболдогу жетишкендиктер үчүн индивидуалдуу сыйлыктарды тапшыруу аземин өткөрөт. Бул тууралуу аталган биримдиктен билдиришти.

Маалыматка ылайык, KFU Football Awards — өткөн сезондун жыйынтыгы боюнча Кыргызстандын футбол тармагындагы эң мыктыларын сыйлоо аземи.

Салтанаттуу аземди Кыргыз Спорт ТВ каналы түз алып берет.

Сыйлыктар төмөнкү категориялар боюнча өз ээлерин табат:

Кыргыз Республикасынын мыкты оюнчусу;

Кыз-келиндер футболунун мыкты оюнчусу;

Футзалдын мыкты оюнчусу;

Футболдун мыкты жаш оюнчусу;

Футболдун мыкты машыктыруучусу;

Кыз-келиндер футболунун мыкты машыктыруучусу;

Футзалдын мыкты машыктыруучусу;

Футболдун мыкты калысы;

Футзалдын мыкты калысы;

Мыкты спорттук уюм;

Мыкты регионалдык ассоциация;

Мыкты футбол клубу.

Белгилей кетсек, «Кыз-келиндер футболунун мыкты машыктыруучусу» номинациясы бул жылы жаңы түзүлдү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18