USD87.45EUR96.10RUB1.06
24.kg

Кыргызстанда 2024-жылы бирдиктүү салык чогултуу үч эсеге көбөйдү

10:05, 09 декабря 2024, Бишкек - 24.kg

Кыргызстанда 2024-жылы бирдиктүү салыкты чогултуу үч эсеге көбөйдү. Мындай маалыматтар Каржы министрлигинин материалдарында камтылган.

Үстүбүздөгү жылдын январь айынан октябрга чейин бирдиктүү салыкты чогултуудан республикалык бюджетке 17 млрд сом түшкөнү такталган. Бул сумма 2023-жылдын ушул мезгилине салыштырмалуу 11,3 миллиардга көп.

Тиешелүү башкармалыктын маалыматына караганда, такталган республикалык бюджетте бирдиктүү салыкты чогултуу планы 2,4 эсеге көбөйүп, 19,6 миллиард сомго жеткен.

2025-жылга бирдиктүү салык планы 23,7 миллиард сом деп белгиленген.

Эскерте кетсек, бирдиктүү салык — бул жүгүртүүсү жылына 30 миллион сомдон ашпаган чакан жана орто бизнес үчүн арналган жөнөкөйлөштүрүлгөн салык системасы. Ал үч салыкты алмаштырат: киреше салыгы, сатуудан түшкөн салык жана КНС. Бирдиктүү салыкка кичи бизнестин өкүлдөрү гана эмес, орто бизнеске тиешелүү болгондор да өтө алышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18