USD87.45EUR96.10RUB1.06
24.kg

ИИМ үй-бүлөлүк зомбулукка каршы үн катууга чакырды

18:12, 06 декабря 2024, Бишкек - 24.kg

Кыргызстандын Ички иштер министрлиги үй-бүлөлүк зомбулукка каршы үн катууга чакырды. Аталган башкармалыктын басма сөз кызматы бул темага арналган социалдык ролик таратты.

 Маалыматка ылайык, үй-бүлөлүк зомбулук – бул жеке адамдардын жашоосун гана эмес, бүтүндөй үй-бүлөгө зыян келтирүүчү олуттуу көйгөй.

Зомбулуктун эч кандай негизи жок экенин түшүнүү маанилүү, ал гана эмес физикалык, ошондой эле психологиялык, экономикалык жана сексуалдык түрдө да көрсөтүлүшү мүмкүн. Үй-бүлөдөгү зомбулук анын бардык мүчөлөрү үчүн терс кесепеттерди жаратат, айрыкча зомбулукка күбө болгон, же жабыр тарткан балдарга терс таасирин тийгизет. Ошондуктан, бул көйгөйдү кантип алдын алууну билүү өтө маанилүү.

"Эгерде сиз зомбулукка күбө болсоңуз, же өзүңүз жабыркасаңыз - четте калбаңыз. Кыска 102 номуруна чалыңыз", - деп айтылат маалыматта.

Ички иштер министрлигинин маалыматы боюнча, 2024-жылы Кыргызстанда үй-бүлөлүк зомбулук фактыларынын саны 2023-жылга салыштырмалуу 37 пайызга өскөн.

Үстүбүздөгү жылдын 10 айында үй-бүлөлүк зомбулук боюнча 14 миң 293 факты катталган. Бул өткөн жылга салыштырмалуу 3 миң 877ге көп.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18