USD87.45EUR96.10RUB1.06
24.kg

Жайлоодо дайынсыз болуп жаткан жарандын сөөгү Чоң-Кемин дарыясынан табылды

17:38, 04 декабря 2024, Бишкек - 24.kg

Чүй облусунун Кемин районундагы Тар-Суу айылынан Жалгыз-Тал жайлоосуна 29-ноябрда чыгып кетип, дайынсыз болгон 1981-жылы туулган Ш.М. аттуу эркек адамдын сөөгү табылды. Бул тууралуу Өзгөчө кырдаалдар министрлигинен кабарлашты.

Эскерте кетсек, Тар-Суу айылынын 43 жаштагы тургуну жолдошуна жолугуу үчүн Жалгыз-Тал жайлоосуна чыгып, үйүнө кайтып келген эмес. Ат чабандессиз үйүнө кайткан. Жоголуу тууралуу маалымат милицияга 1-декабрда келип түшкөн. 3-декабрда куткаруучулар, милиция кызматкерлери жана жергиликтүү тургундардан турган 134 адам адамды издөөгө чыгышкан.

Бүгүн, 4-декабрда саат 13.30да дайынсыз жоголгон адамдын сөөгүн жергиликтүү тургундар Чоң-Кемин дарыясынан таап, милиция кызматкерлерине өткөрүп беришти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18