USD87.45EUR96.10RUB1.06
24.kg

Кыргыз-тажик мамлекеттик чек арасын сыпаттоо иштери аяктады

16:09, 04 декабря 2024, Бишкек - 24.kg

Камчыбек Ташиев жана Саймумин Ятимов (солдо)

Кыргызстан менен Тажикстандын өкмөттүк делегацияларынын жетекчилери макулдашууга жетишип, кыргыз-тажик мамлекеттик чек арасынын калган тилкелеринин сыпаттамасын толугу менен аякташты. Бул тууралуу министрлер кабинетинин басма сөз кызматы билдирди.

Маалыматка ылайык, бүгүн, 4-декабрда Баткен шаарында кыргыз-тажик мамлекеттик чек арасын делимитациялоо жана демаркациялоо боюнча Кыргыз Республикасы менен Тажикстан Республикасынын өкмөттүк делегацияларынын теңтөрагалары Камчыбек Ташиев менен Саймумин Ятимовдун жолугушуусу болуп өттү.

Камчыбек Ташиев жана Саймумин Ятимов (солдо)

Жолугушуунун жүрүшүндө алар макулдашууга жетишип, кыргыз-тажик мамлекеттик чек арасынын калган тилкелеринин сыпаттамасын толугу менен аякташты жана өкмөттүк делегациялардын жумушчу топторуна мамлекеттик чек араны делимитациялоо боюнча жыйынтыктоочу документтерди түзүү процессин баштоо боюнча тапшырмаларды беришти.

Жолугушуу достуктун жана өз ара түшүнүшүүнүн кырдаалында өттү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18