USD87.45EUR96.10RUB1.06
24.kg

Петербургдагы үй-бүлөлүк билим борборуна Токтогон Алтыбасарованын ысымы берилди

14:24, 04 декабря 2024, Бишкек - 24.kg

Санкт-Петербургда Выборг районунда жайгашкан № 4 үй-бүлөлүк билим берүү борборуна легендарлуу кыргызстандык Токтогон Алтыбасарованын ысымы ыйгарыда. Ал 1942-жылы Улуу Ата Мекендик согуш маалында блокадада калган Ленинграддан эвакуацияланган 150 баланы Күрмөнтү айылына кабыл алган. Мындай чечимди шаардык топонимикалык комиссия кабыл алып, буга чейин тиешелүү документтерге губернатор Александр Беглов кол койгон.

Легендарлуу Токтогон Алтыбасарова жаш кезинде

Белгиленгендей, борбор түндүк борбордун социалдык мекемелеринин арасында кеңири белгилүү. Бул жерде шаардагы эң эски балдар үйлөрүнүн бири жайгашкан.

Буга чейин бул жерге фотосүрөттөр жана куткарылгандардын тизмесинин көчүрмөсү өткөрүлүп берилген, алар блокадага арналган көргөзмөнүн бир бөлүгү болгон.

Документтерди Токтогон Алтыбасарованын уулу Марат Абдиев алып келген. Ал белгилегендей, кыргызстандыктар анын ысымы Санкт-Петербургда дагы деле эскерилип жатканын баалайт. 1942-жылы апасы болгону 18 жашта эле. Ал ленинграддык балдарга жардам берүү үчүн айылдарды кыдырып, азык-түлүк чогултуп жүргөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18