USD87.45EUR96.10RUB1.06
24.kg

Жогорку Кеңештин депутаты Социалдык фонддун ишин сынга алды

12:19, 27 ноября 2024, Бишкек - 24.kg

«Бюджетке миллиарддаган сомдор түшүп жатат, бирок пенсияны татыктуу деңгээлге көтөрө албайбыз», — деп Жогорку Кеңештин жыйынында депутат Эмил Токтошев Социалдык фонддун ишмердүүлүгүн сынга алды.

Ведомствонун төрагасы Бактияр Алиев келерки жылы Социалдык фонд пенсияны 7 пайызга көтөрүүнү пландап жатканын, бул үчүн 1,2 миллиард сом каралганын белгиледи. Анын айтымында, бүгүнкү күндө пенсиянын орточо өлчөмү 9 миң сомду түзөт.

Эмил Токтошев төлөмдөрдү 7 пайызга көтөрүү пенсионерлердин жашоосуна эч кандай таасирин тийгизбей турганын белгилеп, инфляциянын өсүшүн эске салды.

«Бир адам 10 миң сом пенсия алса, аны 700 сомго көтөрөсүң. Бул алардын жашоосуна таасирин тийгизбейт. Сиз жетекчи катары ушул маселелерди көтөрүшүңүз керек. А силер отурасыңар, сунуштарыңар жок. Баалардын кымбаттыгы элди муунтуп жатат. Эл кыйналып жатат. Бюджет толукталып жатат. Миллиарддар келип жатат. Биз элге болуп көрбөгөндөй өсүш деп кыйкырып жатабыз, бирок пенсияны татыктуу деңгээлге көтөрө албайбыз», — деди ал.

Эл өкүлдөрү Социалдык фонддун 2025-жылга бюджетин жана 2026-2027-жылдарга пландаштырылган мезгилди карап жатышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18