USD87.45EUR96.10RUB1.06
24.kg

«Ынтымак-Ордонун» жанында жол кырсыгы. Эки адам ооруканага жаткырылды

13:19, 26 ноября 2024, Бишкек - 24.kg

Чыңгыз Айтматов көчөсүндөгү жол кырсыгынын кесепетинен 39 жаштагы эки адам ооруканага жаткырылды. Бул тууралуу 24.kg басылмасына Бишкек ШИИБдин кайгуул кызмат башкармалыгынын басма сөз кызматы билдирди.

Кырсык бүгүн, 26-ноябрда саат 6.00дөр чамасында өкмөттүк унаа жолунда жаңы «Ак үй» Ынтымак-Ордого жакын жерде болгон. 39 жаштагы Т.К. Toyota RunX үлгүсүндөгү унаасы менен Айтматов проспектиси менен түндүк тарапты көздөй бара жатып, жаңы «Ак үйдүн» алдынан солго бурулуп бара жатып, 39 жаштагы Ж.Р.нын башкаруусундагы Hyundai Santa Fe үлгүсүндөгү унаа менен кагышкан. Жол тандабас Айтматов проспектиси менен түштүк тарапты көздөй бара жаткан.

Кагылышуудан кийин жол тандабас жолдон чыгып кетип, бакты сүзгөн. ШИИБ эки айдоочу тең ар кандай жаракаттар менен ооруканага жаткырылганын кошумчалады. Унаалар убактылуу кармоочу жайга киргизилип, чогултулган материалдар тергөө кызматына өткөрүлүп берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18