USD87.45EUR96.10RUB1.06
24.kg

Кыргызстан менен Германия расмий документтерди колдонуу шарттарын жеңилдетишти

14:12, 21 ноября 2024, Бишкек - 24.kg

Кыргызстан менен Германия эки өлкөдө расмий документтерди колдонуу шарттарын жеңилдетишти. Бул тууралуу Тышкы иштер министрлиги билдирди.

Маалыматка ылайык, 2024-жылдын 7-октябрында Кыргыз Республикасы менен Германия Федеративдүү Республикасынын ортосунда 1961-жылдын 5-октябрында Гаага шаарында кол коюлган чет өлкөлүк расмий документтерди легалдаштыруу талабын жокко чыгарган конвенция күчүнө киргени такталган.

«Бул Германиянын каршылыгын кайтарып алып, Кыргызстандын конвенцияга кошулуусуна макулдугунан улам мүмкүн болду», — деп белгиледи ведомство.

Апостилди колдонуу бул өлкөлөрдүн биринде берилген документтерди экинчисинин аймагында таануу процедурасын жеңилдетет. Эми жарандар жана юридикалык жактар, ошондой эле мамлекеттик органдар эки өлкөнүн тең расмий документтерин колдонуу үчүн кошумча консулдук легалдаштыруу процедураларынан өтүүгө муктаж болбойт.

Апостиль системасын киргизүү административдик процесстерди тездетүүгө, документтерди тастыктоого кеткен чыгымдарды кыскартууга жана билим берүү, ишке орноштуруу, укуктук жана бизнес-процесстер сыяктуу түрдүү чөйрөлөрдө бюрократиялык тоскоолдуктарды азайтууга мүмкүндүк берет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18