USD87.45EUR96.10RUB1.06
24.kg

Троллейбустарды жоюу. Сот Бишкек шаардык кеңешине айып пул салды

15:03, 20 ноября 2024, Бишкек - 24.kg

Административдик сотто Бишкек шаардык кеңешинин троллейбустарды өткөрүү боюнча токтомун жокко чыгаруу боюнча соттук отурум өттү. Бул тууралуу 24.kg басылмасына БишкекСмог демилгеси билдирди.

Шаардык кеңеш суралган отурумдардын протоколдорун жана башка кээ бир документтерди сотко берген эмес. Кошумчалай кетсек, сот процессине БШКнын өкүлдөрү келген жок. Сот бул аракеттерди сыйлабастык жана талаптарды аткарбоо катары баалап, шаардык кеңешке 7 миң сом айып салган.

Кийинки соттук отурум 11-декабрда болот.

Эскерте кетсек, буга чейин муниципалитет 100 троллейбусту Ошко өткөрүүнү сунуштап, Бишкек шаарында байланыш түйүндөрүн демонтаждап баштаганы айрым жарандарды тынчсыздандырган. 29-августтагы сессияда БШКнын депутаттары техникаларды өткөрүп берүүнү жактырышты. Түштүк борборго алгачкы троллейбустар жеткирилген. Бишкектин тургундары троллейбустарды өткөрүү боюнча шаардык кеңештин чечимине нааразы болуп сотко кайрылышкан. Алар бул чечим No1191-VI троллейбустарды сатып алуу боюнча кредиттик келишим боюнча мыйзамга каршы келет жана көптөгөн мыйзам бузуулар менен кабыл алынган деп эсептешет.

Бишкек Ошко 100, Нарынга 6, Баткенге 10 троллейбус белек кылууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18