USD87.45EUR96.10RUB1.06
24.kg

Ысык-Көл соолуп баратат. Акылбек Жапаров көлдү сактап калуу чараларына токтолду

13:33, 14 ноября 2024, Бишкек - 24.kg

Жогорку Кеңештин бүгүнкү жыйынында депутат Балбак Түлөбаев Ысык-Көл жылдан жылга кургап баратканын айтып, бул көйгөйдү чечүү боюнча көрүлүп жаткан чаралар тууралуу өкмөт башчыдан сурады.

Акылбек Жапаров адистер тарабынан улуттук программа иштеп чыгууда деп жооп берди.

«Ысык-Көлгө Каркырадан суу келбейт, дыйкандар сууну булактардан пайдаланышат. Конференцияда Ысык-Көлдү сактоо боюнча өз көз карашыбызды айтабыз. Биз ал жакка дүйнөнүн төрт бурчунан окумуштууларды чакырабыз. Соолуган Аралдын тагдырын кайталабашыбыз керек», — деди ал.

Буга чейин экологиялык уюмдардын жана илимий борборлордун жетекчилери Ысык-Көлдүн мындан ары тайыздашына жол бербөө үчүн сууну үнөмдөп, сугаттын эффективдүү ыкмаларына өтүүгө чакырышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18