USD87.45EUR96.10RUB1.06
24.kg

Натыйжа жок. ӨКМ Жумгал районунда ата-баланы издөө иштерин токтотту

13:55, 13 ноября 2024, Бишкек - 24.kg

Жумгал районунун Өрнөк айылында дайынсыз жоголгон ата-баланы издөөнүн активдүү фазасы токтотулду. Бул тууралуу Өзгөчө кырдаалдар министрлигинин басма сөз кызматы билдирди.

Мындай чечим издөө аракеттеринин натыйжасыздыгынан улам кабыл алынган. Бүгүн министрликтин өкүлдөрү дайынсыз жоголгондордун ата-энелери менен жолугушуп, мындан ары издөө иштери жумасына эки жолу жүргүзүлөрүн билдиришти.

Эскерте кетсек, 19-октябрда Жумгал районунда 49 жаштагы эркек киши менен 9 жаштагы бала 16-октябрда жайлоого мал жаюуга кетип, 19-октябрдан бери байланыша электиги тууралуу маалымат түшкөн. Апасы бийликтен уулу менен небересин табууга жардам берүүнү суранган. Президент Садыр Жапаров Жумгал районунун Өрнөк айылынын дайынсыз жоголгон тургундарын издөөнү күчөтүүнү тапшырды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18