USD87.45EUR96.10RUB1.06
24.kg

Бишкекке Түрк мамлекеттер уюмунун санариптик борбору макамы ыйгарылды

15:04, 06 ноября 2024, Бишкек - 24.kg

Бишкекке Түрк мамлекеттер уюмунун санариптик борбору макамы ыйгарылды. Бул тууралуу Садыр Жапаров борбордо өтүп жаткан ТМУнын жыйынында сөз сүйлөп жатып билдирди.

Мамлекет башчы ТМУга катышуучуларынын өкмөттөрүнүн ортосунда электрондук коммерция, интеллектуалдык менчик, эмгек рыногунда, туризмде, айыл чарба тармагында жана билим берүү тармагында шарттарды түзүү боюнча макулдашууга кол коюуну колдой турганын белгиледи.

Президент ошондой эле тараптардын электрондук кол тамганы өз ара таануу механизмдерин иштеп чыгуу каалоосун колдой турганын кошумчалады.

Садыр Жапаров октябрь айында Бишкекте жасалма интеллект боюнча түрк мамлекеттеринин форуму өткөнүн эске салды.

«Мен Бишкек шаарына 2025-жылы УМУнын санариптик борбору макамын ыйгаруу демилгесин колдогондугу үчүн ыраазычылык билдирем», — деди Садыр Жапаров.

Бишкекте Түрк тилдүү мамлекеттер уюмунун саммити өтүп жатат. Ага Кыргызстан, Казакстан, Түркия, Өзбекстан, Азербайжан, Түркмөнстан, Түндүк Кипрдин президенттери жана Венгриянын премьер-министри катышууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18