USD87.45EUR96.10RUB1.06
24.kg

Мурдагы аткаминер Алмамбет Салиевдин камактагы мөөнөтү узартылды

13:38, 04 ноября 2024, Бишкек - 24.kg

Президент Сооронбай Жээнбековдун аппарат жетекчисинин мурдагы орун басары Алмамбет Салиевдин камактагы мөөнөтү узартылды. Мындай чечимди Бишкектин Биринчи Май райондук соту чыгарды.

Алмамбет Салиевдин камактагы мөөнөтү узартылды

Соттун чечимине ылайык, кызмат абалынан кыянаттык менен пайдаланган деп айыпталган экс-чиновник 2025-жылдын 4-январына чейин камакта болот.

Эске сала кетсек, Алмамбет Салиев 26-сентябрда УКМК тарабынан кармалып, тергөө абагына камалган.

Белгилей кетсек, УКМК аны мурда кармаган.

2021-жылдын жай айларында ведомствонун басма сөз борбору президенттин аппарат жетекчисинин мурдагы орун басары Алмамбет Салиевдин мыйзамсыз баюу фактылары аныкталганын билдирген.

«Алмамбет Салиев бир кезде мамлекет башчынын аппарат жетекчисинин орун басары болуп турганда, ошондой эле экс-президенттин камкордугунан пайдаланып, сот системасынын, укук коргоо органдарынын жана мамлекеттик органдардын ишине кийгилишип, мамлекеттик кызыкчылыкка зыян келтирип, жеке структуралардын кызыкчылыктарын калкалаганы аныкталган», — деп айтылат билдирүүдө.

Андан соң ал да УКМКнын СИЗОсуна киргизилген. Декабрь айында кылмыш-жаза мыйзамдарына өзгөртүүлөр киргизилгенине байланыштуу үй камагына чыгарылган. Сооронбай Жээнбековдун убагындагы чиновник ошондо күнөөсүн мойнуна алган эмес.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18