USD87.45EUR96.10RUB1.06
24.kg

ТМУ саммити. Борбордогу ЖОЖ жана колледж студенттери онлайн окутууга өткөрүлөт

13:21, 04 ноября 2024, Бишкек - 24.kg

Түрк мамлекеттер уюмунун Бишкекте өтүүчү XI саммитине байланыштуу борбор калаада жайгашкан жогорку окуу жайларында, орто жана кесиптик башталгыч билим берүү мекемелеринде окуу процесси 5-6-ноябрь күндөрү онлайн форматка өткөрүлүүдө. Бул тууралуу Билим берүү жана илим министрлиги билдирди.

Буга чейин Бишкек шаарында жайгашкан министрликтердин, ведомстволордун жана башка мамлекеттик органдардын көпчүлүк кызматкерлери 5-6-ноябрь күндөрү онлайн режиминде иштей турганы белгилүү болгон.

Эске сала кетсек, 6-ноябрда Бишкекте Түрк мамлекеттери уюмунун кезектеги XI саммити «Түрк дүйнөсүн бекемдөө: экономикалык интеграция, туруктуу өнүгүү, санариптик келечек жана бардыгы үчүн коопсуздук» деген темада өтөт. Анын ишине уюмга мүчө беш мамлекеттин: Түркия, Азербайжан, Казакстан, Кыргызстан жана Өзбекстандын башчылары, ошондой эле ТМУнун байкоочу өлкөлөрдүн лидерлери катышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18