USD87.45EUR96.10RUB1.06
24.kg

Нурланбек Шакиев: «Кыргызстандын гимнин кайра жазабыз»

12:38, 25 октября 2024, Бишкек - 24.kg

Биз гимнди кайрадан жазышыбыз керек. Бул тууралуу Жогорку Кеңештин төрагасы Нурланбек Шакиев Соода-өнөр жай палатасынын 65 жылдыгына арналган салтанаттуу иш-чарада билдирди.

Анын айтымында, гимнди Советтер союзу тараган маалда кабыл алганбыз. Андан бери күн өттү, биз бүгүн өнүгүп жаткан бакубат, кудуреттүү, келечектүү мамлекетте жашап жатабыз.

«Андыктан биз гимнди өзгөртөбүз. Келечектүү, бакубат, күчтүү Кыргызстандын гимнин жазабыз. Биз баары ырдай ала турган жөнөкөй, татыктуу, жакшынакай гимнди чыгарышыбыз керек», — деди Нурланбек Шакиев.

Эске салсак, Кыргыз Республикасынын мамлекеттик гимни 1992-жылдын 18-декабрында Кыргыз Республикасынын Жогорку Кеңешинин токтому менен бекитилген. Алгач үч куплет жана хордон турган, бирок Жогорку Кеңештин 2012-жылдын 27-декабрындагы токтому менен экинчи куплет алынып салынган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18