USD87.45EUR96.10RUB1.06
24.kg

Жогорку Кеңеште Бишкектеги автобустардын аралыктары узак экендиги айтылды

13:18, 24 октября 2024, Бишкек - 24.kg

Бишкекте автобустар узак аралыгы менен катташат. Бул тууралуу депутат Бактыбек Марипов Жогорку Кеңештин бүгүн, 24-октябрдагы жалпы жыйынында билдирди.

Эл өкүлү «Андан сырткары автобустар жык толгон, элге орун жок, кийинкисин күтүп жатышат. Автобустардын ортосундагы интервалды кыскартуу керек», — деди.

Мындан тышкары жарандар коомдук транспортто накталай эмес төлөмдөрдү жүргүзүүдө кыйынчылыктарга туш болуп жаткандыктарын белгиледи.

Белгилей кетсек, кечээ, 23-октябрда Бишкектин коомдук транспортунда техникалык иштерге байланыштуу накталай эмес төлөмдөр, валидаторлор жана Тулпар тиркемеси иштебей калган. QR коду аркылуу төлөм да иштеген жок.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18