USD87.45EUR96.10RUB1.06
24.kg

Бишкекте жаңы газ отказандары ишке киргизилди

18:31, 22 октября 2024, Бишкек - 24.kg

«Жал» жана «Шаар ооруканасы» отканаларында мэр Айбек Жунушалиевдин катышуусунда жаңы газ от казандары ишке киргизилди. Бул тууралуу борбор калаанын муниципалитетинин басма сөз кызматы билдирди.

Маалыматка ылайык, көп кабаттуу үйлөрдү жылуулук энергиясы менен камсыз кылган «Ротор» отканасындагы жүктү азайтуу максатында «Жал» буу казанына 2 түрк өндүрүшүндөгү кубаттуулугу 5200 кВт болгон «Мимсан» газ буу казандары орнотулуп, 725 метр жылуулук трассасы тартылды.

Кошумча от казандарды орнотуунун натыйжасында 19 көп кабаттуу үй жана Эне жана баланы коргоо борборунун 2 имараты жылуулук энергиясын алат.

«Шаар ооруканасы» буу казанынын эффективдүүлүгүн жогорулатуу үчүн дагы кубаттуулугу 5200 кВт болгон эски буу казан жаңысына алмаштырылды.

Отканада жыл ичинде газды үнөмдөө болжолу менен 202,58 миң куб метрди түзөт, башкача айтканда, 5 млн сомго жакын каражат үнөмдөлөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18