USD87.45EUR96.10RUB1.06
24.kg

Чаткалда дайынсыз жоголгон 6 адамды издөө үчүн ӨКМ тик учак жиберди

09:44, 18 октября 2024, Бишкек - 24.kg

Жалал-Абад облусунун Чаткал районунда дайынсыз жоголгон 6 адамды издөө үчүн Өзгөчө кырдаалдар министрлигинин тик учагы учуп кетти.

Тик учак бүгүн саат 7.30да Оштон Ак-Сай тоолоруна учуп кетти.

Эскерте кетсек, Чаткалда алты адам тоого чөп терүүгө чыкканда дайынсыз жоголгон. 9-октябрда 14 адам кеткен. Топ алыскы аймакка бет алып, андан соң байланыш үзүлгөн. Айыл тургундарынын жакындары куткаруучуларга жардам сурап кайрылышкан. Сегиз адам табылып, дагы алтоо изделүүдө. Жергиликтүү тургундардын айтымында, 14-октябрда Ак-Сай тоолорунун аймагында кар көчкү түшкөн.

Издөө иштерине Өзгөчө кырдаалдар министрлигинен 20 куткаруучу тартылып, керектүү техникалар тартылган. Куткаруучулар спутниктик байланыш аркылуу министр менен үзгүлтүксүз байланышты кармап турушат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18