USD87.45EUR96.10RUB1.06
24.kg

Мамкурулуш ЖК депутатын Таластагы ооруканага киргизбөөнү айткан

11:13, 09 октября 2024, Бишкек - 24.kg

Курулуш иштери боюнча мамлекеттик комитет Жогорку Кеңештин депутатын Таласта курулуп жаткан ооруканага киргизбөөнү айткан. Бул тууралуу бүгүн, 9-октябрда парламент жалпы жыйынында эл депутаты Марат Мураталиев билдирди.

Анын айтымында Көпүрө Базар айылына барып, саламаттыкты сактоо министри менен жергиликтүү медициналык мекемеде болду.

«Жергиликтүү тургундардын өтүнүчү менен ооруканага бардык. Биз объектинин жанында турдук. Бир аз убакыт өткөндөн кийин Мамкурулуштун орун басары мага телефон чалып, эмнеге бардыңар, эмнеге келдиңер деп сураган. Бийлик аларды киргизбегиле деп айткан имиш. Министрлер кабинетинин буйругу менен гана кирсин. Бул маселени чечип бериңизчи. Биз, депутаттар каалаган жерде эл менен жолугууга укугубуз бар», — дейт Марат Мураталиев.

Эл депутаты Дастан Жумабеков Мамлекеттик курулуш комитетинин директорунун орун басары бул аракеттери менен «Кыргыз Республикасынын Жогорку Кеңешинин депутатынын статусу жөнүндө» Кыргыз Республикасынын Мыйзамынын 15-беренесин бузгандыгын белгиледи. Нормада текшерүүчү депутаттар объекттерге ээн-эркин кирип, мыйзамдарды жана чечимдерди ишке ашыруу боюнча жетекчилер көрүп жаткан чаралар менен таанышууга укуктуу деп жазылган.

Мамкурулуштун жетекчилеринин кылык-жоруктарына эл депутаты Эрулан Кокулов да нааразы болду. Анын айтымында, анын жыйындарына бөлүмдүн кызматкерлеринен эч ким келбейт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18