USD87.45EUR96.10RUB1.06
24.kg

Бишкекте жол киренин накталай төлөмдөрүн 40 сомго көтөрүү сунушталды

02:16, 09 октября 2024, Бишкек - 24.kg

Бишкек мэриясы коомдук транспортко накталай төлөмдөрдүн баасын 40 сомго чейин көтөрүү мүмкүнчүлүгүн карап жатат. Бул тууралуу 24.kg басылмасына мэриянын Транспорт жана жол-транспорт инфраструктурасын өнүктүрүү башкармалыгынан билдирди.

Башкармалыктын жетекчисинин орун басары Бакытбек Сарымсаков бул жүргүнчүлөрдү накталай эмес төлөмгө өтүүгө үндөө максатында жасалып жатканын баса белгиледи.

Мындан тышкары, бир билетке белгилүү бир убакыттын ичинде которууларды жүргүзүүгө мүмкүндүк берген тарифти киргизүү сунушталууда.

Муниципалитет үч сапар үчүн 1,5 саатка жарактуу деп эсептейт. «Башкача айтканда, жол киренин биринчисин төлөгөн жүргүнчүгө дагы эки которуу бекер болот», — деп түшүндүрдү Бакытбек Сарымсаков.

Белгилей кетсек, Бишкек мэриясы накталай төлөгөндө жол кирени көтөрүүнү сунуштоодо. Ал ченемдик укуктук актынын долбоорун иштеп чыгуу жана кызыкдар тараптардын сунуштарын чогултуу жөнүндө билдирүүнү жарыялады.

Эскерте кетсек, шаардагы коомдук транспорттун жол кире акысы акыркы жолу 30-январда көтөрүлгөн. Учурда борбор калаанын тургундары жана коноктору накталай 20 сомдон, накталай эмес төлөмдөр 17 сомдон төлөшөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18