USD87.45EUR96.10RUB1.06
24.kg

Медицина жана физиология боюнча Нобель сыйлыгынын лауреаттары жарыяланды

17:34, 07 октября 2024, Бишкек - 24.kg

Америкалык окумуштуулар Виктор Амброуз жана Гэри Равкан 2024-жылы физиология жана медицина боюнча Нобель сыйлыгын алышты. Бул тууралуу Интерфакс Нобель комитетине шилтеме берүү менен билдирди.

Сыйлык «микроРНКнын ачылышы жана анын транскрипциядан кийинки генди жөнгө салуудагы ролу» үчүн ыйгарылды.

Окумуштуулар «ар кандай клеткалар кантип өнүгүп жатканына» кызыгышты. Комитеттин басма сөз маалыматына ылайык, лауреаттар «гендик жөнгө салууда маанилүү ролду ойногон кичинекей РНК молекулаларынын жаңы классы болгон микроРНКларды ачышты».

«Алардын ачылышы көп клеткалуу организмдер анын ичинде адамдар үчүн абдан маанилүү экени далилденген гендик жөнгө салуунун таптакыр жаңы принцибинин ачылышы болду», — деп белгиледи Нобель комитети.

Белгилей кетсек, Нобель жумалыгы физиология жана медицина боюнча сыйлыкты тапшыруу менен башталды. Эртең, 8-октябрда физика боюнча жеңүүчүнүн аты аталса, химия боюнча сыйлыктын ээси 9-октябрда белгилүү болот. Адабият боюнча лауреат 10-октябрда, тынчтык сыйлыгынын лауреаты 11-октябрда Ослодо белгилүү болот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18