USD87.45EUR96.10RUB1.06
24.kg

Быйылкы «Алтын топ» сыйлыгынын ээси аталды

17:57, 27 сентября 2024, Бишкек - 24.kg

2023/24-сезондогу «Алтын топ» сыйлыгынын ээси аталды. Бул тууралуу дүйнөгө белгилүү спорттук басылма, испаниялык Marca гезити жар салды.

Маалыматка ылайык, олуттуу сыйлыктын ээси Бразилия курама командасынын жана «Реал Мадриддин» чабуулчусу 24 жаштагы Винисиус Жуниор алмакчы. Ал эми «Алтын топту» тапшыруу аземи 28-октябрда Парижде өтөт. Бул окуянын урматына Nike компаниясы ага атайын алтын бут кийимдерди даярдаганы белгиленген.

Белгилей кетсек, «Алтын топ» 1956-жылдан бери France Football тарабынан ыйгарылып келет. Өткөн жылы бул сыйлыкты тарыхта сегизинчи жолу аргентиналык Лионель Месси алган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18