USD87.45EUR96.10RUB1.06
24.kg

Өзбекстандын Кыргызстандагы жаңы элчиси болуп Саидикрам Ниязходжаев дайындалды

14:48, 25 сентября 2024, Бишкек - 24.kg

Өзбекстандын Кыргызстандагы жаңы элчиси болуп Саидикрам Ниязходжаев дайындалды. Ал Бишкекке келгенин «Дуне» маалымат агенттиги билдирди.

Өзбекстандын Кыргызстандагы жаңы элчиси болуп Саидикрам Ниязходжаев дайындалды

Өзбекстан Республикасынын Кыргыз Республикасындагы жаңы дайындалган расмий өкүлү 59 жашта. Ташкент политехникалык институтун (азыркы Ташкент мамлекеттик техникалык университети) бүтүргөн.

Бишкекке дайындалганга чейин Саидикрам Ниязходжаев 2018-жылдан бери Өзбекстандын Казакстандагы элчиси болуп иштеген. Август айында эки тараптуу мамилелерди чыңдоого кошкон салымы үчүн Казакстандын президентинин жарлыгы менен II даражадагы «Достук» ордени менен сыйланган.

Буга чейин дипломат Өзбекстандын тышкы иштер министринин орун басары жана президенттик администрацияда жана мамлекеттик түзүмдөрдүн башка жооптуу кызматтарын аркалаган.

Саидикрам Ниязходжаев 2020-2024-жылдары Бишкектеги дипломатиялык миссияны жетектеген Хуршид Мирзахидовдун ордуна келди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18