USD87.45EUR96.10RUB1.06
24.kg

V Дүйнөлүк көчмөндөр оюндары −2024: Кыргызстан жорго салыш боюнча 2 медаль утту

17:41, 13 сентября 2024, Бишкек - 24.kg

Кыргызстандын жорго салыш боюнча улуттук курама командасынын мүчөлөрү Астанада өтүп жаткан V Дүйнөлүк көчмөндөр оюндарында 2 медаль жеңди. Бул тууралуу Дене тарбия жана спорт департаментинен билдиришти.

Маалыматка ылайык, Чубак Жайлообек уулу Чиксон аргымагы менен 1-орунду ээледи. Аттын ээси Жаныбек Карыпбеков, саяпкери Чубак Жайлообек уулу.

Ал эми Нурэл Иранов Императрица аргымагы менен 3-орунду алды. Аттын ээси Өмүрбек Бабанов, саяпкери Чубак Жайлообек уулу.

Мелдешке 18 чабандес катышып, 9 чакырымга аттар чабылды.

Курама команда машыктыруучулар Мирзат Шүгүралиев, Самаган Бейшеналиев, Уланды Султанбаевдин жетекчилиги алдында мелдешке катышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18