USD87.45EUR96.10RUB1.06
24.kg

Мухтарбек Баймурзаев эмгек министринин биринчи орун басары болуп дайындалды

18:22, 02 сентября 2024, Бишкек - 24.kg

Мухтарбек Баймурзаев Кыргызстандын эмгек, социалдык камсыздоо жана миграция министринин биринчи орун басары болуп дайындалды. Бул тууралуу аталган ведомстводон билдирди.

Тиешелүү тескемеге министрлер кабинетинин төрагасы Акылбек Жапаров кол койду.

Бул жылдар аралыгында Мухтарбек Баймурзаев өлкөнүн каржы жана билим берүү тармагында маанилүү кызматтарды аркалаган. 2015-жылдын мартынан 2017-жылдын февраль айына чейин Финансы министрлигинин социалдык чыгымдарды каржылоо башкармалыгынын билим берүү, илим жана маданият бөлүмүнүн башчысы болгон.

Андан соң 2017-жылдын мартынан 2018-жылдын июнь айына чейин Билим берүү жана илим министрлигинин бюджеттик саясат жана каржылык талдоо бөлүмүн жетектеген. 2021-жылдын октябрынан 2024-жылдын май айына чейин Финансы министрлигинин социалдык сектордун чыгашаларын пландаштыруу бөлүмүнүн башчысы болуп иштеген.

Ушул жылдын май айынан бери президенттик аппараттын тармактык саясат бөлүмүнүн башкы эксперти болуп эмгектенип келген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18