USD87.45EUR96.10RUB1.06
24.kg

Нуржигит Кадырбековдун депутаттык мандаты Эрнис Айдаралиевге берилди

18:28, 30 августа 2024, Бишкек - 24.kg

Шайлоо жана референдум өткөрүү боюнча борбордук комиссиясы Жогорку Кеңештин депутаты Нуржигит Кадырбековдун арызынын негизинде анын ыйгарым укуктарын мөөнөтүнөн мурда токтотту. Бул тууралуу Борбордук шайлоо комиссиясынын жыйынында белгилүү болду.

Бош калган эл депутаттык мандаты «Ыйман нуру» партиясынан тизме боюнча кийинки талапкер Эрнис Айдаралиевге өттү. Ага күбөлүк жана төш белги тапшырылды.

Эрнис Айдаралиев

Парламенттин жаңы депутаты 39 жашта. Ал Ош облусунун Алай районунда туулган. Жусуп Баласагын атындагы КУУну юриспруденция адистиги жана КГУСТАны экономист адистиги боюнча аяктаган.

2011-2014-жылдары Мамлекеттик салык кызматында адис болуп иштеген. 2018-жылы Кыргыз Республикасынын Президентинин Аппаратынын мамлекеттик курулуш бөлүмүнүн кызматкери болгон.

Эске сала кетсек, 22-августта Нуржигит Кадырбеков «Ыйман» фондунун иши боюнча күбө катары УКМКга сурак берген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18