USD87.45EUR96.10RUB1.06
24.kg

Камчыбек Ташиев Жалал-Абад өкүлчүлүгүнүн имаратын курууга мезгил кутусун салды

15:10, 29 августа 2024, Бишкек - 24.kg

Жалал-Абадда бузулган колониянын ордуна президенттин өкүлчүлүгүн жана мэриянын жаңы имаратын куруп башташты. Мезгил кутусун УКМКнын башчысы Камчыбек Ташиев салганын анын жардамчысы Өткүрбек Рахманов билдирди.

Эскерте кетсек, бул жерди мурда № 10 түзөтүү мекемеси ээлеп келген. Ал бузулуп, 7,6 гектар аянтка облустук администрация жана муниципалитет үчүн имарат курууну чечишкен. Түзөтүү мекемеси Базар-Коргон районуна көчүрүлгөн.

Сүрөттү тарткан Өткүрбек Рахманов

Курулушту 2025-жылы бүтүрүү пландалууда. Ага мамлекеттик бюджеттен 1,6 миллиард сом өлчөмүндө каражат бөлүнөт.

Бузулган түзөтүү мекемелеринин ордуна административдик имарат, соода жана оюн-зоок комплекси, музей жана сейил бак курула турганы мурда маалымдалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18