USD87.45EUR96.10RUB1.06
24.kg

Кыргызстанда 100гө жакын авариялык мектеп бар

14:29, 29 августа 2024, Бишкек - 24.kg

Кыргызстанда 100гө жакын авариялык мектеп бар. Бул тууралуу 24.kg басылмасына Архитектура, курулуш жана турак жай-коммуналдык чарба мамлекеттик агенттигинин директорунун орун басары Талант Иманакун уулу билдирди.

Анын айтымында, атайын түзүлгөн комиссия өлкөдө 200 авариялык мектепти аныктаган. Алардын жарымы капиталдык оңдоп-түзөөдөн өткөн. Дагы 100гө жакын мектеп калды.

Талант Иманакунов Араб өнүктүрүү фонду жабыркаган мектептерди калыбына келтирүүгө жардам берерин билдирди.

«Алардын эски мектептерди калыбына келтирүү программасы бар. Ал үчүн фонд 50 миллион доллар бөлөт. Бул акча 34 мектепти калыбына келтирүүгө жумшалат. Сентябрь айында ратификациялоо боюнча мыйзам долбоорун Жогорку Кеңештин кароосуна сунуштайбыз», — деди Иманакун уулу.

Белгилей кетсек, бул мектептерге бөлүнгөн каражаттын экинчи траншы болуп саналат. Фонд 2019-жылы Бишкек шаарында жана Чүй облусунун Сокулук районунда 28 мектептин курулушуна 30 миллион доллар бөлгөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18