USD87.45EUR96.10RUB1.06
24.kg

Бүгүн Криштиану Роналду УЕФАдан «Эң мыкты чабуулчу» сыйлыгын алат

09:09, 29 августа 2024, Бишкек - 24.kg

Бүгүн, 29-августта португалиялык атактуу футболчу Криштиану Роналдуга Чемпиондор Лигасынын тарыхындагы эң мыкты бомбардир катары УЕФАнын президенти Александр Чефериндин атайын сыйлыгы ыйгарылат. Бул тууралуу маалымат УЕФАнын сайтында жарыяланды.

Ага сыйлык Монакодо Чемпиондор Лигасынын 2024/25-жылкы тайпалык баскычынын чүчү кулак таштоо аземинде тапшырылат.

Белгилей кетсек, мурдагы «Спортинг», «Манчестер Юнайтед», «Реал Мадрид» жана «Ювентустун» чабуулчусу Чемпиондор Лигасында 183 оюнда 140 гол киргизген. Ал Лионель Мессиден 11 гол жана үчүнчү орунда турган Роберт Левандовскиден 46 гол алдыда турат. Азыр 39 жаштагы португалиялык саудиялык «Аль-Наср» клубунда ойнойт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18