USD87.45EUR96.10RUB1.06
24.kg

VI Бүткүл дүйнөлүк көчмөндөр оюндары Өзбекстанда өтөт

10:16, 28 августа 2024, Бишкек - 24.kg

Кийинки VI  Бүткүл дүйнөлүк көчмөндөр оюндары  2026-жылы Өзбекстанда өтөт. Бул тууралуу Министрлер кабинетинин төрагасынын орун басары Эдил Байсалов Казакстандын Астана шаарында 8-сентябрынан 14-сентябрь аралыгында өтө турган V Бүткүл дүйнөлүк көчмөндөр оюндарына катышуу үчүн Кыргызстандын улуттук курама командасынын даярдыгы боюнча өткөргөн кеңешмесинде айтылды.

Министрлер кабинетинен билдиришкендей, жыйындын жүрүшүндө спортчулардын тийиштүү даярдыгын камсыз кылуу жана башка уюштуруу маселелерин чечүү, анын ичинде оюндарды эфир аркылуу чагылдыруу, сейрек кездешүүчү жаныбарларды жана канаттууларды салттуу Салбурун фестивалына катышуу үчүн алып барууга уруксат берүү маселелери талкууланды.

Мындан тышкары, жолугушуунун жүрүшүндө 2026-жылы Өзбекстанстанда өтө турган VI Бүткүл дүйнөлүк көчмөндөр оюндарына ар тараптуу колдоо көрсөтүү маселелери талкууланды.

Жыйындын соңунда тиешелүү министрликтерге жана ведомстволорго бир катар тапшырмалар берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18