USD87.45EUR96.10RUB1.06
24.kg

Түркияда тик учак кырсыгынан каза болгондордун үй-бүлөсүнө кенемте төлөндү

17:20, 21 августа 2024, Бишкек - 24.kg

Былтыр Түркиянын Измир аймагында токойдо өрт өчүрүү учурунда тик учак кырсыкка кабылып, эки кыргызстандык жаран каза болгон. Учурда алардын үй-бөлөсүнө кенемте төлөп берилди. Бул тууралуу Эмгек, социалдык коргоо жана миграция министрлигинин билдиришти.

Маалыматка ылайык, кырсыктаган тик учак «Транс Караван Кейгс» жоопкерчилиги чектелген коомго тиешелүү болгон. Аталган компания каза болгон эки адамдын үй-бүлөсүнө ар бирине 5 миллион 102 миң 246 сомдон бир жолку жөлөкпул түрүндө кенемте төлөп берди.

Эскерте кетсек, өзгөчө кырдаал 2023-жылдын 16-сентябрында болгон. Токойдогу өрттү өчүрүп жаткан өрт өчүрүүчү тик учак Измир провинциясында жайгашкан суу сактагычка кулап түшкөн. Учактагы Кыргызстандын үч жаранынын экөөсү каза болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18