USD87.45EUR96.10RUB1.06
24.kg

Оштогу сел. Жабыркаган балдарга жайкы лагерде эс алуу уюштурулду

10:23, 08 августа 2024, Бишкек - 24.kg

Ошто селден жабыркаган балдарга жайкы лагерь уюштурулду. Бул тууралуу түштүк борбордун мэриясынын басма сөз кызматы билдирди.

Маалыматка ылайык, жалпысынан жүзгө жакын бала атайын программанын алкагында «Жеткинчек» лагеринде жана шаардык мектептерде он күн эс алышат.

Лагерде болгон мезгилде балдарга мектепке даярданууга жардам берилет. Аларга психологиялык жана медициналык жардам да берилет.

Эскерте кетсек, 14-июлда катуу жааган жаандын кесепетинен Ош облусунун айылдарында жана Ошто катуу сел жүргөн. Селден төрт киши каза болгон. Алардын баары бир үй-бүлөнүн мүчөлөрү. Кийинчерээк Өзбекстанда жети жашар кыздын жансыз денеси табылган. Мындан тышкары, элди эвакуациялоо учурунда бир адам каза болгон. Аны жүк ташуучу унаа тебелеп кеткен. Ооруканага жалпысынан 30 адам жардам сурап кайрылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18