USD87.45EUR96.10RUB1.06
24.kg

Сузак округунда депутаттыкка эки талапкер арыз берди

16:25, 30 июля 2024, Бишкек - 24.kg

№ 13 Сузак бир мандаттуу округу боюнча Жогорку Кеңештин депутатын мөнөөтүнөн мурда өтчү шайлоого катышууга эки талапкерден арыз түштү. Бул тууралуу Борбордук шайлоо комиссиясынан билдирди.

Маалыматка ылайык, алар өзүн-өзү көрсөткөн «Жалал-Абад» санаториясынын директорунун орун басары Алтынбек Кылычбаев жана «Дари Строй» курулуш компаниясынын директору Санжарбек Энназаров.

Талапкерлердин арыздарын кабыл алуу 22-августка чейин уланып, аларды каттоо 2-сентябрга чейин ишке ашат. Үгүт иштери 2-сентябрдан 21-сентябрдын таңына чейин жүргүзүлөт.

Белгилей кетсек, 24-июлда президент Садыр Жапаров кол койгон жарлыкка ылайык, аталган округда өтчү шайлоо 22-сентябрга белгиленген. Боршайком 19-июлда Тазабек Икрамовду өзү жазган арыздын негизинде депутаттык мандатынан ажыраткан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18