USD87.45EUR96.10RUB1.06
24.kg

100 миң сом талап кылган. Таласта прокурордун жардамчысы кармалды

16:47, 29 июля 2024, Бишкек - 24.kg

Талас облусунун Айтматов районунун прокурорунун жардамчысы пара менен кармалды. Бул тууралуу Улуттук коопсуздук мамлекеттик комитети билдирди.

Маалыматка ылайык, Талас облусунун Айтматов районунун прокурорунун улук жардамчысы (Бакай-Ата району боюнча прокурордун мурдагы орун басары) С.Р.Т. компаниянын жетекчисинен мамлекеттин пайдасына салыктык чегерүүлөргө байланыштуу маселелерди чечүү үчүн 100 миң сом өлчөмүндө акча каражатын талап кылган.

УКМК Башкы прокуратуранын ички чалгындоо кызматы менен биргеликте 25-июлда Талас облусунун Айтматов районунун прокурорунун улук жардамчысы С.Р.Т. 90 миң сом өлчөмүндө пара алып жаткан жеринен өз иш бөлмөсүндө кармады.

Учурда жогорудагы факт боюнча сотко чейинки өндүрүш иштери жүргүзүлүп, С.Р.Т.га карата Талас шаардык соту тарабынан «Камакка алуу» түрүндөгү баш коргоо чарасы тандалып алынды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18