USD87.45EUR96.10RUB1.06
24.kg

Жапаров менен Мирзиеев Сокулуктагы автозаводдун ишине старт берет

08:47, 18 июля 2024, Бишкек - 24.kg

еТашкентте Садыр Жапаров менен Шавкат Мирзиев видеобайланыш аркылуу Сокулук районундагы кыргыз-өзбек автоунаа заводунун ишине старт берет. Бул тууралуу Kun.uz сайты билдирди.

Завод расмий түрдө 18-19-июль күндөрү, президент Садыр Жапаровдун Өзбекстанга жасаган мамлекеттик сапары учурунда ачыларын UzAuto департаментинин директору Рустам Бекчанов Ташкентте өткөн кыргыз-өзбек бизнес-форумунда билдирди.

Биринчи этабында заводдо Cobalt, Onix жана Tracker үлгүсүндөгү автоунааларды өндүрүү пландалууда. Кийин өндүрүш кеңейтилип, башка үлгүдөгү унаалар да чыгарыла баштайт.

2023-жылы мартта Кыргызстанда автоунаа жана коммерциялык техникаларды өндүрүү боюнча «Узавтосаноат», «ДТ Техник» жана «Нур» (Кыргызстан) компанияларынын ортосунда кызматташтык жөнүндө келишимге кол коюлган.

Күн мурун президент Садыр Жапаров 18-июлда мамлекеттик сапар менен Өзбекстанга бара турганы кабарланган.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18