USD87.45EUR96.10RUB1.06
24.kg

Баткенде сел жүрүп, бир катар жолдор жабылды

18:35, 10 июля 2024, Бишкек - 24.kg

Баткенде сел жүрүп, бир катар жолдор жабылды. Учурда ыкчам топтор иштеп жатат. Бул тууралуу Өзгөчө кырдаалдар министрлигинен билдиришти.

Алдын ала маалымат боюнча, бүгүн, 10-июлда Баткен районунун тоолуу аймактарында жааган нөшөрлүү жаандан улам Айгүл-Таш — Согмент унаа жолунун 3-9-чакырым аралыгына, Баткен-Боз-Адыр унаа жолуна (чакырымы такталууда) сел суулары келип, убактылуу жол жабылган.

«Учурда жеринде ыкчам топ, ошондой эле № 2 Жол тейлөө ишканасынан грейдер, жүктөгүч техникасы иштеп жатат», — деп айтылат маалыматта.

Ал эми Лейлек районунун Катраң, Лейлек айыл аймактарында жааган жаандан Катраң-Өзгөрүш унаа (чакырым такталууда) жолуна сел суулары келип, убактылуу жол каттам токтогон. Ошондой эле Ак-Терек айылындагы сел өткөрүүчү сай аркылуу суу Раззаков — Баткен унаа жолуна (чакырымы такталууда) түшкөн. Ушу тапта жол каттам бар. Аталган аймактарда да ыкчам топ жумуш алып барууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18