USD87.45EUR96.10RUB1.06
24.kg

Кыргызстандын эркин күрөш боюнча курамасы Азия чемпионатында 3-орунду ээледи

19:10, 01 июля 2024, Бишкек - 24.kg

Кыргызстандын эркин күрөш боюнча курама командасы (U23) Иордания Амман шаарында өткөн Азия чемпионатында 3-орунду ээледи. Бул тууралуу Дене тарбия жана спорт департаментинен билдиришти.

Маалыматка ылайык, анда кыргыз балбандары 7 медаль утушкан. Анын ичинен 3 — алтын, 1 — күмүш жана 3 — коло.

Азия чемпиону наамын Абдымалик Карачев (57 кг), Билол Шарип уулу (65 кг) жана Орозобек Токтомамбетов (74 кг) ээлесе, Стамбул Жаныбек уулу (92 кг) күмүш медаль утту. Ал эми Юхан Доктурбек уулу (61 кг), Канат Керимбеков (70 кг) жана Бекзат Рахимов (86 кг) коло байгеге татышты.

Курама команда 157 упай менен 3-орунду багындырса, 177 упай менен коңшу Казакстан командасы 2-орунга чыкты. Биринчи орунду 194 упай менен Индия курамы ээледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18