USD87.45EUR96.10RUB1.06
24.kg

Азия чемпионаты: Кыргызстандын күрөш боюнча кыз-келиндер курамасы 3-орунду алды

10:09, 01 июля 2024, Бишкек - 24.kg

Кыргызстандын кыз-келиндер күрөшү боюнча курама командасы Азия чемпионатында (U23) жалпы командалык эсепте 3-орунду ээледи. Бул тууралуу Бириккен күрөш дүйнөсүнүн сайтында маалымдалды.

Ага ылайык, Иорданиянын борбору Амман шаарында өткөн чепионатта кыргызстандык балбан кыздар 2 алтын, 2 күмүш жана 1 коло медаль жеңишти.

Нурзат Нуртаева (68 кг) менен Гүлнура Таштанбекова (72 кг) алтын байгеге ээ болушса, Дильназ Сазанова (65 кг) жана Кайыркүл Шаршенбаева (76 кг) күмүш медаль утту. Ал эми Арууке Кадырбек кызы (55 кг) коло байгеге татыды.

Командалык эсеп боюнча 230 упай менен 1-орунга Индия курама командасы чыкса, 2-орунду 154 упай менен коңшу Казакстан командасы ээледи. Ал эми ата мекендик спортчулар 147 упай менен 3-орунду багындыра алды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18