USD87.45EUR96.10RUB1.06
24.kg

Кыргызстандык бийчилер Парижде өтүүчү дүйнөлүк чемпионатка барышат

16:43, 24 июня 2024, Бишкек - 24.kg

Бишкекте Fusion Concept Qualifier Kyrgyzstan 2024 эл аралык бий чемпионаты Франция үчүн тандоо турнири болуп өттү.

Сынактын катышуучуларына калыстар — Франциянын, Түштүк Кореянын, Кыргызстандын белгилүү дүйнөлүк бийчилери жана Fusion Concept фестивалынын чемпионатынын негиздөөчүсү баа беришти.

Чемпионатка катышуу үчүн Орусия, Казакстан, Өзбекстан, Тажикстан жана Франциядан бийчилер келишти.

Ар түрдүү номинациялар боюнча жеңүүчүлөргө демөөрчүлөр тарабынан акчалай сыйлыктар тапшырылса, эгиз бир туугандар Ома менен Эма «Фристайл: эки экиден» номинациясында жеңишке жетишти. Алар Парижде өтүүчү дүйнөлүк чемпионатка барышат.

Белгилей кетсек, финалисттердин Францияга сапары Маданият, маалымат, спорт жана жаштар саясаты министрлиги тарабынан каржыланат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18