USD87.45EUR96.10RUB1.06
24.kg

Садыр Жапаров: «Шамбесай кенинен алтын казылбайт»

14:24, 20 июня 2024, Бишкек - 24.kg

Президент Садыр Жапаров Шамбесай кенинен алтын казылбай турганын билдирди. Маалыматты 24.kg агентигине өлкө башчынын басма сөз катчысы Аскат Алагөзов тастыктады.

Анын айтымында, президент Баткен облусунун Кадамжай районунда Шамбесай алтын кенин иштетүү боюнча жергиликтүү тургундар менен жолугушту.

Садыр Жапаров бул маселеге чекит коюлганын айттып: «Эми бул теманы унуталы», — деди.

Эске салсак, 2018-жылы Кадамжай районунун жергиликтүү тургундары митингге чыгып, Шамбесай алтын кенин иштетүүгө каршы чыгышкан. Алар алтын казуу экологияга зыян келтиргендиктен, кенди жабууну талап кылышкан. Анда инвестор Tiandi International Mining Co. Компаниясы болгон

Шамбесай кениндеги алтындын запасы 8 тонна деп бааланган. Кенде геологиялык чалгындоо иштери 2007-жылы башталып, 2012-жылы өндүрүшкө лицензия берилген. Ошондон бери лицензиянын ээлери бир нече жолу алмашкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18