USD87.45EUR96.10RUB1.06
24.kg

ЖК Бишкек жана Ош шаарларынын ЖЭБдерин мэриянын балансына өткөрүүнү колдоду

16:40, 19 июня 2024, Бишкек - 24.kg

Жогорку Кеңештин бүгүн, 19-июндагы жалпы жыйынында депутаттар Бишкек жана Ош шаарларынын ЖЭБдерин мэриянын балансына өткөрүүнү колдошту.

Тиешелүү мыйзам долбоорун энергетика министри Таалайбек Ибраев сунуштады.

Ал белгилегендей, Президенттин «Отун-энергетикалык комплексинин айрым маселелери жөнүндө» жарлыгы менен министрлер кабинетине Бишкек жана Ош шаарларынын ЖЭБинин «Электр станциялары» ААК филиалдарын жылуулук менен камсыздоо объектилерин, «Бишкектеплосет» шаардык мэрияларга, ошондой эле «Кыргызтеплоэнерго» мамлекеттик ишканасы жергиликтүү өз алдынча башкаруу органдарына өткөрүп берүү каралган.

Таалайбек Ибраев мыйзам долбоорунда «тиешелүү аймакты жылуулук менен камсыздоону уюштурууну» жергиликтүү маанидеги маселелердин катарына кошуу жана берилген мамлекеттик ыйгарым укуктардан чыгаруу сунушталып жатканын баса белгиледи.

«Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамга өзгөртүүлөрдү киргизүү тууралуу" мыйзам долбоорун карап, депутаттар аны биринчи окууда кабыл алышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18