USD87.45EUR96.10RUB1.06
24.kg

Чоң атасы 18 жаштагы небересине бычак сайган деп шектелүүдө

14:48, 14 июня 2024, Бишкек - 24.kg

Чүй облусунун Новопавловка айылында чоң атасы небересине бычак менен жарадар кылган. Бул тууралуу Чүй облусунун ички иштер башкы башкармалыгынын басма сөз кызматы билдирди.

Маалыматка ылайык, окуя 13-июнда болжол менен саат 17:00до болгон. Мас абалында болгон 68 жаштагы жаран 2006-жылы туулган небереси менен чырдаша кетип, ага бычак сайган. Анын айынан жаш бала ооруканага түшкөн.

Аталган факт боюнча КР Кылмыш-жаза кодексинин «ден соолукка оор залал келтирүү» беренеси менен кылмыш иши козголгон.

Бул ишке шектүү катары баланын чоң атасы К.А. кармалып, убактылуу кармоочу жайга камакка алынды. Учурда тергөө иштери уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18